Laguntzeko Erakundeak

        

 Greenpeace ingurumena babestu nahi duen nazioarteko erakundea da,  

Vancouveren (Kanada)1971n sortu zena.

Gaur egun mundu osoan 42 bulego ditu eta Amsterdamen egoitza duen Greenpeace Internationalek koordinatzen ditu guzti horiek. Diru-sarrerak mundu osoko 2.8 miloi bazkideengandik zein GKEetarako diru-laguntzengatik eskuratzen ditu. Greenpeacek ez du onartzen gobernuek edo enpresek emandako dirurik.

Greenpeace erakundea 1971 urtean sortu zen, Alaskan burutzen ari ziren saiakuntza nuklearren aurkako kanpaina batetik. Ekintzaileak garaiko erakunde kontserbazionisten aktibismo ezarekin ez ziren konforme eta itsasontzi bat erosi zuten, Greenpeace  izenekoa, saiakuntza nuklearren aurka ekintza zuzenak burutu asmoz. 1970eko hamarkadaren erdialdean, baleen ehizaren aurkako kanpaina bati ekin zioten. Hastapen hauetan, erakundeak antolakuntza maila apala zuen eta taldeak sakabanaturik zeuden. 1991 urtera arte Greenpeaceko buru izan zen David McTaggartek erakundearen lidergoa eskuratu zuen 1979 urtean, Greenpeace izenaren erabileraren inguruan auzi bat irabazi ondoren.

WORLD WILDLIFE FUND FOR NATURE

Munduko Natura Funtsa edo Naturarentzako Mundu Funtsa (ingelesez: World Wildlife Fund for Nature edo WWF) nazioarteko gobernuz kanpoko erakunde bat da, ingurumenaren kontserbazioari, ikerlanei eta oneratzeari buruzko gaietan lanean diharduena. Lehen, Basa Bizitzaren Mundu Funtsa (ingelesez: World Wildlife Fund) zuen izena, eta horixe du oraindik ere izen ofiziala Ameriketako Estatu Batuetan eta Kanadan. Munduko erakunde kontserbazionista beregain handiena da, bost milioi bazkide baino gehiago baititu mundu osoan. Munduko 90 estatutan lan egiten du, kontserbaziorako eta ingurumenerako 1300 bat proiektu aurrera eramateko. 

Irabazteko asmorik gabeko erakundea izaki, bere diru sarreren % 60 inguru lortzen ditu gizabanakoen dohaintzetatik. Diru sarreren % 45 datozkio Ameriketako Estatu Batuetatik, Erresuma Batutik eta Herbehereetatik.